Hallgrímskirkja úthlutar til hjálparstarfs
Frá úthlutuninniSóknarnefnd Hallgrímskirkju ákvað á jólafundi sínum að veita 6.5 milljónum króna úr Líknarsjóði kirkjunnar til Hjálparstarfs kirkjunnar, Kristniboðssambands Íslands, til Rótarinnar vegna Konukots og til Kaffistofu Samhjálpar.
Við fjölskyldumessu í Hallgrímskirkju 22. desember 2024 tóku við staðfestingu á framlagi þau Bjarni Gíslason fyrir Hjálparstarf kirkjunnar, Sigríður Schram fyrir Kristniboðssambandið, Kristín Pálsdóttir fyrir Konukot og Rótina, og Linda Magnúsdóttir fyrir Kaffistofu Samhjálpar.
Hjálparstarfið sinnir margskonar hjálpar og mannúðarstarfi í nafni Þjóðkirkjunnar bæði hér heima og erlendis.
Kristniboðssambandið boðar kristna trú meðal annars í Eþíópíu og Keníu og stundar margs konar fræðslu og uppbyggingarstarf.
Konukot starfar á næstu grösum við Hallgrímskirkju og er opinn faðmur fyrir heimilislausar konur og kynsegin fólk, á vegum samtakanna Rótarinnar.
Í Kaffistofu Samhjálpar geta allir sem eru á hrakningi gengið að mat og hlýju hvern dag.
Miðvikudagsmessuhópurinn í Hallgrímskirkju hefur starfað í meira en tvo áratugi og lengst af safnað fé til styrktar Kaffistofunni.
Meðfylgjandi myndir tók Hrefna Harðardóttir.
slg
Myndir með frétt
